Yurgen Kloppni olib kelish uchun “Barselona” istalgan summani to‘lashga tayyor

“Barselona” klubi keyingi mavsum bosh murabbiy o‘rindig‘ida o‘zgarishga qo‘l urmoqchi.

“Sport.es” nashri xabariga ko‘ra, klub rahbariyati mavsum yakunigacha jamoa bosh murabbiyi Ronald Kumanga ishonch bildirib, yozda uning o‘rniga “Liverpul” bosh murabbiyi Yurgen Kloppni taklif etmoqchi. Niderlandiyalik murabbiyning amaldagi shartnomasi 2022-yilning yozida o‘z yakuniga yetadi.

Qayd etilishicha, Joan Laporta joriy yilgi mavsumni o‘tish davri deb hisoblamoqda va Kuman qo‘l ostidagi jamoa sovrinlar uchun kurasha olmasa ham, mavsum yakuniga qadar bosh murabbiy o‘zgartirilmaydi. Ungacha Kataloniya klubi Yurgen Kloppni Ispaniyaga ko‘chib o‘tishga ko‘ndirmoqchi. Bu uchun ular har qancha summa to‘lashga ham tayyorligi ma’lum qilingan.

Ma’lumot uchun, “ko‘k-anorranglilar” La Liga 9-turidan keyin turnir jadvalida 15 ochko bilan 9-o‘rinda bormoqda.