Главная » 2020 » Сентябрь » 1 » Toshkent IIBB abituriyentlarga murojaat bilan chiqdi
21:22

Toshkent IIBB abituriyentlarga murojaat bilan chiqdi


Avval xabar berganimizdek, ertaga, 2 sentyabrdan oliy ta’lim muassasalariga kirish imtihonlari boshlanadi. Shu sababdan Toshkent shahar Ichki ishlar bosh boshqarmasi abituriyentlarga murojaat bilan chiqdi.

Boshqarma test topshiruvchilardan belgilangan joyga imtihon boshlanishidan 1-1,5 soat oldin kelishni so‘ragan.

“Kirish imtihonlari kuni ro‘yxatdan o‘tish jarayonlarini sanitariya me’yorlariga rioya qilgan holda o‘tkazish uchun imtihon boshlanishidan 1-1,5 soat oldin kelishingizni so‘raymiz. Eslatib o‘tamiz, birinchi smenadagilarning imtihoni soat 7:30 da boshlanadi, demak abituriyentlar soat 6:00 dan ro‘yxatdan o‘tishni boshlashlari mumkin”, deyiladi IIBB xabarida.

Ta’kidlanishicha, Davlat test markazi tomonidan abituriyentlarga beriladigan bir martalik tibbiy niqoblar va qo‘lqoplardan foydalanish majburiy. Shuningdek, ijtimoiy masofa saqlash qoidasini ham unutmaslik kerak, oraliq masofa uch metrdan kam bo‘lmasligi zarur.

“Amaldagi sanitariya-epidemiologiya talablariga rioya qilish bizga koronavirus infeksiyasini nazorat ostida saqlash, o‘zimizning va yaqinlarimizning sog‘lig‘ini asrash imkoniyatini beradi. Imtihonlardan muvaffaqiyat bilan o‘tishingizni tilaymiz!”, deyiladi xabarda.

Eslatib o‘tamiz, imtihonlarni ikki hafta davomida o‘tkazish rejalashtirilgan.


Manba: "qalampir.uz"
Категория: Mahalliy Habarlar | | Теги: abituriyentlarga, IIBB, murojaat bilan chiqdi, toshkent | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя