Samarqand va Qashqadaryoni bog‘lovchi dovon yopildi

Muzlamalar sababli «Taxtaqoracha» dovonida avtotransport vositalarining harakati vaqtincha to‘xtatildi. Bu haqda IIV Yo‘l harakati xavfsizligi Bosh boshqarmasi xabar berdi.

Samarqand va Qashqadaryo viloyatlarini bog‘lovchi «Taxtaqoracha» dovonida qor yog‘ib, yo‘lning qatnov qismida muzlamalar hosil bo‘lganligi, shuningdek, qor ko‘chishi, yo‘lda ko‘rish masofasi cheklanishi, quyuq tuman tushishi ehtimoli bo‘lganligi sababli dovon orqali transport vositalarining harakati vaqtincha to‘xtatildi.