22:09 Quyosh tizimidagi odamlar yashashi mumkin bo‘lgan yo‘ldoshlar ro‘yxati e’lon qilindi — Oy, Titan va boshqalar | |
Quyosh tizimidagi potensial jihatdan odamlar yashashi mumkin bo‘lgan yo‘ldoshlar nomi e’lon qilindi. Bu haqda «Populyarnaya mexanika» NASA astrobiologi Kristofera Makkeyga asoslanib xabar berdi. Ro‘yxatda dastlabkilar o‘zimizning Oy hamda Yupiterning yo‘ldoshi — Yevropa. Quyosh tizimidagi eng ulkan sayyoraning ushbu yo‘ldoshi muzlik bilan qoplangan, uning ostida okean mavjudligi taxmin qilinyapti. Bunga NASA 2025-yildan boshlanadigan o‘quv sinovlaridan keyin oydinlik kiritishga urinib ko‘radi. Ro‘yxatda Saturn yo‘ldoshlaridan biri Titan ham bor, biroq uning sirtidagi harorat -179 daraja sovuq, unda yashash uchun maxsus kiyimlar kerak, oziq-ovqat esa sun’iy yorug‘lik vositasida yetishtiriladi. Uzoq Uranning eng kichik yo‘ldoshi Miranda ham yashash uchun yaroqli, deya taxmin qilinyapti. Biroq bu yer Titandan ham battar — atmosferasi yo‘q, odamlar nurlanish (radiatsiya)dan himoyalanishni o‘rganib olishlariga to‘g‘ri keladi.
Manba: "xabar.uz"
| |
|