O‘zbekiston terma jamoasi Qatarga qarshi o‘ynaydi

Dilshod Nuraliev bosh murabbiyligidagi O‘zbekiston o‘smirlar terma jamoasi Osiyo chempionatiga saralash bosqichiga tayyorgarlik ko‘rish doirasida Qatar U-16 termasiga qarshi ikkita o‘rtoqlik o‘yini o‘tkazadi. Bu haqda O‘FF Matbuot xizmati xabar berdi.

Mazkur uchrashuvlar shu yilning 19 va 21 avgust kunlari Qatarda bo‘lib o‘tadi. Bo‘lajak o‘yinlarga qaysi futbolchilar yo‘l olishi keyinroq ma’lum qilinadi.

Qatar U-16 termasiga qarshi o‘rtoqlik o‘yinlari O‘zbekiston o‘smirlar termasi uchun 2018 yilgi U-16 Osiyo chempionatiga saralash bosqichiga tayyorgarlik vazifasini o‘tab beradi.

Saralash bosqichi shu yilning 16–24 sentabr kunlari Saudiya Arabistoni poytaxti Ar-Riyod shahrida bo‘lib o‘tadi.

Akmalxon Eshonxonov