Namangandagi gaz zapravkasida Damas yonib ketdi

Sodir bo‘lgan yong‘in yuzasidan Namangan viloyati Favqulodda vaziyatlar boshqarmasining 101 va 1050 qisqa raqamlariga murojaat kelib tushmagan, lekin ijtimoiy tarmoqlarda tarqalgan xabarga asosan voqea joyiga yong‘in qutqaruvchilar yuborilgan.

O‘rganishlar davomida Damas avtomashinasida sodir bo‘lgan yong‘inni Namangan shahar Guliston mahalla fuqarolar yig‘inida joylashgan avtomobilga gaz to‘ldirish shoxobchasi ishchilari tomonidan bartaraf etilgan.

Sodir bo‘lgan yong‘in oqibatida og‘ir tan jarohati olgan hamda halok bo‘lganlar yo‘q.

Hozirda sodir bo‘lgan yong‘in yuzasidan tergovga qadar surishtiruv ishlari olib borilmoqda.