Muslima qizning so‘zlari “Yilning eng kuchli jumlasi” deb tan olindi

Yangi Zelandiyaning Messi universiteti “2020 yilning eng kuchli jumlasi” mukofotini otasi Kraystcherch masjididagi 2019 yil mart yuz bergan teraktda vafot etgan yosh muslima qizga topshirdi.

Bu haqda “islam.ru” xabar berdi.

Ta’kidlanishicha, joriy yilda qiz terakt sodir etgan Brenton Tarrantning sudida qatnashgan va yig‘lab yuborgan. Keyin esa his-tuyg‘uga berilib, musulmonlar qotiliga: "Shuni bilki, bu ko‘z yoshlar sen uchun emas!" deya ta’kidlagan.

Muslima qizning so‘zlariga ko‘ra, jumlasi nufuzli tanlovda g‘olib chiqqaniga hayron bo‘lgan, shuning bilan birga odamlarning hamdardligi uchun minnatdorchilik bildirgan.

"Sudda aytgan ushbu jumlam men qilgan eng qiyin ishlardan biri edi", deydi qiz.