Главная » 2020 » Декабрь » 19 » Mirziyoyev Turizm qo‘mitasi raisi o‘rinbosari qilib tayinlagan 23 yoshli Saidakbarxon nega lavozimidan ketdi?
11:32

Mirziyoyev Turizm qo‘mitasi raisi o‘rinbosari qilib tayinlagan 23 yoshli Saidakbarxon nega lavozimidan ketdi?


Tashkent City’dagi Congress Hall majmuasida «Toshkent yoshlar forumi — 2020» doirasida 18 dekabr kuni «Toshkentning madaniy va turistik qiyofasi – 2030» mavzusida ochiq muloqot bo‘lib o‘tdi. Unda bir qancha vazirlik rahbarlari forum ishtirokchilarining savollariga javob qaytardi.

Eslatib o‘tamiz, 2018 yilning iyun oyida Olmazor tumanida bo‘lib o‘tgan majlisda Prezident Shavkat Mirziyoyev tomonidan Toshkent xalqaro Vestminster universiteti talabasi Saidakbarxon Akbarov Turizmni rivojlantirish qo‘mitasi raisi o‘rinbosarligiga nomzod sifatida taklif etilgandi. Shundan so‘ng Vazirlar Mahkamasi qarori bilan Saidakbarxon Akbarov Turizmni rivojlantirish qo‘mitasi raisi o‘rinbosari vazifasini bajaruvchi etib tayinlangan. 

«Daryo» muxbiri Mirolim Isajonovning xabar berishicha, Turizmni rivojlantirish davlat qo‘mitasi raisi Aziz Abduhakimov ham yoshlar tomonidan yo‘llangan savollarga o‘z munosabatini bildirdi. Xususan, 23 yoshida hukumat qarori bilan Turizmni rivojlantirish qo‘mitasi raisi o‘rinbosari vazifasini bajaruvchi etib tayinlangan Saidakbarxon Akbarovning oradan hech qancha vaqt o‘tmay nima sababdan lavozimidan ketganiga izoh berdi.

«U yigitimiz ishga juda yaxshi kirishdi. Bu juda katta lavozim va katta mas’uliyat talab qiladi. Bunday lavozimda ishlagan odam butun vaqtini ishga bag‘ishlashi kerak. Saidakbarxon hali diplomga ega emasligi uchun o‘zi bu lavozimdan ketishini aytdi. Diplom olishi kerakligini va o‘zini biznesda sinamoqchi ekanini ta’kidlab, qo‘yib yuborishimizni so‘radi.

Tashkilot rahbarining o‘rinbosari bo‘lib ishlash uchun juda katta tajriba kerak. Saidakbar uchun bu tajriba bo‘ldi. Biz unga qo‘ldan kelgancha yordam berdik. Ammo uning o‘zi bu lavozimdan xohishi bilan ketishni so‘radi», –  dedi Abduhakimov.


Manba: "aniq.uz"
Категория: Mahalliy Habarlar | | Теги: lavozimidan, turizm, o‘rinbosari, Mirziyoyev, qo‘mitasi, raisi | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя