Bill Geyts pandemiya qachon tugashini ma’lum qildi

«Microsoft» korporatsiyasi asoschisi Bill Geyts «Fox News»ga bergan intervyusida koronavirus pandemiyasi 2022-yilda tugashi ehtimoli borligini aytib o‘tdi.

«Biroq muammoga dunyo miqyosida qaraydigan bo‘lsak, 2021-yil davomida biz kasallanishlar sonini kamaytirishimiz kerak», — dedi u.

Geytsning fikricha, AQSh kelasi yil yozga qadar odatiy hayotiga to‘liq qaytadi. Buning uchun butun dunyoda koronavirusga qarshi kurash davom etishi kerak. Shundagina mamlakatga COVID-19 «qaytmasligi» kafolatlanadi.