Ana xolos! Immunitet koronavirusga qarshi kurashmaydi, aksincha...

AQShning Boston bolalar kasalxonasi va Massachusets texnologiya instituti olimlari SARS-CoV-2 koronavirus infeksiyasi mexanizmini va virusga eng zaif bo‘lgan hujayralar turlarini aniqladilar. Shuningdek, ular immunitet infeksiyaga qarshi samarasiz ekanligini va aksincha kasallikka yordam berishini ta’kidladilar. Tadqiqot natijalari "Sell" jurnalida e’lon qilindi.

Mutaxassislar virusdan ta’sirlangan turli xil to‘qimalarning, shu jumladan burun bo‘shlig‘i, o‘pka va ichak shilliq qavatining hujayralarini o‘rganishdi. SARS-CoV-2 hujayralarga yuqishi uchun TMPRSS2 fermenti yordamida ACE2 reseptorlari bilan bog‘lanishi ma’lum.

Olimlar turli organlarning to‘qimalarida 20 ming genning qaysi biri ishtirok etishini aniqlash uchun RNK transkripsiyasini (gen faoliyati mahsuloti) ketma-ket o‘tkazdilar. Hujayralarning ozgina qismi (o‘n foizdan kam) ikkalasida ham ACE2 va TMPRSS2 borligi ma’lum bo‘ldi. Bundan tashqari, tanani virusdan himoya qilishda ishtirok etadigan interferon ACE2 ishlab chiqarishni rag‘batlantiradi, bu virusning hujayraga kirib borishi uchun yangi imkoniyatlar beradi. Hozirda COVID-19 ni davolash vositasi sifatida sinovdan o‘tgan interferonlarni qo‘llash ba’zi bemorlarda infeksiyani kuchaytirishi mumkin. Bu haqda Rambler xabar bermoqda.